What 7 things does Successful people do in the Morning that we do not know?

What 7 things does Successful people do in the Morning that we do not know?

Successful logo ki life me ese boht saare secrets hain jo hum aam log nahi jaante...
Kuch esi aadaten hain jo agar hum log bhi apni daily life me adopt karlenge to definitely humari work efficiency badhjayegi, aur hum bhi successful ho sakte hain...
Koi boht mushkil kaam nahi hai yeh... sirf 7 points ko follow karke hi hum bhi success ke path per badi aasani se chalna start kar sakte hain... so lets begin :)

1. They Wake up before everyone else.

Vo log apne din ki ek-ek second ki value karte hain, vo sabse aagey rehna chahte hain aur uske liye unhe subha jaldi uthkar khudko ek Headstart deni hoti hai. Vo log subha jaldi uthkar apne day ki planning karlete hain, jisse ki unke saamne apne poore din
ke works ki ek picture aajaati hai aur apne works ki list banakar unko priority se set karna bhi kaafi easy hojata hai.

2. They go for a Walk/Jogging or Exercise.

Morning me 20 minutes exercise or jogging karne se humare brain ko extra oxygen milti hai, jisse humare brain se GABA chemical release hojata hai, ye ek tarah ka neurotranmitter hota hai jisse humare brain ko relax or relief feel hota hai, aur ye humari body or mind ko control karne me help karta hai.


3. They take Shower bath.

Science yeh prove kar chuki hai ki insan ko apne best ideas humesha shower lete huye hi aate hain.
Kyunki shower lete huye humari body se Dopamine naam ka chemical release hota hai, jisse hum relax
hojate hain or humara mind creative hojata hai or fresh and innovative ideas generate karta hai.

4. They spend some time with their family.

Successful log yeh believe karte hain ki apne din ki achhi shuruvat karne ke liye subha ka kuchh time apne loved ones ke saath spend karna boht important hai... ab chaahe vo kuchh share karna ho,
kuch discuss karna ho ya fir saathme breakfast ready karna.

5. They work on a passion project.

Successful log yeh jaante hain ki apne andar ki creativity ko zinda rakhna kitna zaroori hai. Iske liye vo apne daily work se hatkar apne passion project ko time dena nahi bhoolte.
Yahi reason hai ki Google jesi company bhi apne employees ko unke passion project per kaam karne ki freedom deti hai... jiska result hum sab jaante hain, like the birth of Gmail, Google Adsense etc.

6. They don't forget to catch up on the news

News dekhkar world ki problems or situations se update rehkar hi successful log world ki problems 
ke solutions ke baare me sochte hain, or apne business me kya modification karna hai, uske liye ready hojate hain.
Jisse vo latest technology ka use karke apne business ko or bhi heights per lejaate hain.

7. They write down what they are grateful for.

Life me positive rehna kitna important hai yeh to hum sab jaante hain lekin vo positivity kese attain karni hai yeh sab log nahi jaante. Jab aap positive cheezon ke baare me sochkar unhe likhte ho, 
to aapke mind me ek positive environment create hojata hai, jisse humara dhyan negative thoughts ko kill karke positive vibes generate karne lagta hai, or humara mind iski daily practice se positively strong hojata hai.

"Stay Healthy...Stay Successful"
"Be The Engineer Of Your Life"

All the best!!!

From Aditya Goel

Author of the book "Be The Engineer Of Your Life - Best self help book"

Click here to buy now.

Subscribe to stay connected for more tips and tricks...